რატომ უნდა მოამზადოთ ეს სალათი თქვენი საყვარელი მამაკაცისთვის
ამ სალათით ყველას გულს დაიპყრობთ. სტუმრები აღფრთოვანებულები გკითხავენ რეცეპტს. ძალიან ნაზი და მსუბუქია, გირჩევთ მოამზადოთ და ახლობლებსაც გაუზიაროთ.
გულის სალათი
ინგრედიენტები
1 საშუალო ხახვი
150 გრ ყველი
650 გრ ქათმის გული
4 მაგრად მოხარშული ქათმის კვერცხი
5 ცალი სურნელოვანი პილპილის მარცვალი
შავი პილპილი გემოვნებით(დაფქვილი)
15 მლ 9% ძმარი
20 გრ შაქარი
3 ცალი დაფნის ფოთოლი
შავი პილპილი და მარილი გემოვნებით
მაიონეზი გემოვნებით
ახალი ოხრახუში
მომზადება
გაასუფთავეთ და კარგად გარეცხეთ ქათმის გულები, გაჭერით შუაზე და ამოაჭერით ზედმეტი ყველაფერი. 30 წუთის განმავლობაში მოხარშეთ დაფნის ფოთლებით, შავი და სურნელოვან პილპილთან ერთად.
ხახვი დავჭრათ წვრილ მეოთხედ რგოლებად და ჩავყაროთ ღრმა ჭურჭელში. ხახვს დაუმატეთ ძმარი, შაქარი და 100 მლ ცივი წყალი. აურიეთ და გააჩერეთ ოთახის ტემპერატურაზე მარინადისთვის 15-20 წუთის განმავლობაში.
მოხარშული კვერცხი და ქათმის გულები დავჭრათ ზოლებად, და ყველი გავხეხოთ უხეშ სახეხზე.
შეურიეთ კვერცხი, ყველი, გული, ხახვი სითხის გარეშე, დაჭრილი ოხრახუში და მაიონეზი. და ასევე არ უნდა დაგვავიწყდეს პილპილი და მარილი გემოვნებით. ეს ყველაფერი, შეგიძლიათ მიიტანოთ სუფრასთან!
“გულის” სალათი შესანიშნავი საშუალებაა თქვენი მამაკაცის დასაპყრობად ან ორიგინალური რეცეპტით თავის მოსაწონებლად. დარწმუნებული ვართ, სასიამოვნოდ გაგაოცებთ ამ არაჩვეულებრივი კერძის ცხარე გემოთი. წინასწარ გისურვებთ წარმატებებს!