2019 – ღორის წელი ბევრისთვის იქნება პროდუქტიული და წარმატებული, მაგრამ ახალი მფარველი არცთუ ისე კეთილმოსურნეა, როგორც ერთი შეხედვით ჩანს, ამიტომ პრობლემებიც მოსალოდნელია.
აღმოსავლური ჰოროსკოპის მიხედვით 2019 წელი ყვითელი მიწის ღორის (ტახის) მფარველობით ჩაივლის. ეს წელი ბევრისთვის იქნება პროდუქტიული და წარმატებული, თუ სწორი მიმართულებით ვივლით. მაგრამ ამ წელს ვერც პრობლემებს ავირიდებთ თავიდან – ახალი მფარველი არცთუ ისე კეთილმოსურნეა, როგორც ერთი შეხედვით ჩანს. მაგრამ, თუ გვეცოდინება, რა შესაძლო სირთულეები გველოდება წინ, უსიამოვნებების არიდება ნამდვილად შეიძლება.
ბუნებით ღორი ძალიან კეთილი და მშვიდობისმოყვარე ცხოველია, მაგრამ, ამავე დროს, ეშმაკი და გაქნილი. ასტროლოგების ამბობენ, რომ ახალ მფარველს ბევრის ცხოვრებაში შეუძლია მშვიდობის დაბრუნება და 2018 წელს დაშვებული შეცდომების გამოსწორებაში დახმარება; თუმცა ყველაფერი არც ისე კარგადაა, რადგან ღორს აგრესიულობაც სჩვევია.
2019 წელს შესაძლებელია ფეხზე მყარად დადგომა, ურთიერთობებისა და შემოსავლების ახალ დონეზე აყვანა, დიდი შინაგანი სამუშაოს ჩატარება, რაც გულისხმობს თავდაჯერებულობის მომატებასა და ბევრი კომპლექსისგან გათავისუფლებას. პირველივე ნაბიჯების გადადგმა წლის დასაწყისშივე სჯობს, რათა პირველივე თვეში გაარკვიოთ მნიშვნელოვანი ორიენტირები და გზას არ ასცდეთ.
2019 წელი. სტიქია – დედამიწა. სიმბოლოა მყარი ფუნდამენტის, ფესვების, წყაროებისკენ სწრაფვის, ჭეშმარიტების წვდომის, ბუნების ძალის.
2019 წელი. ფერი – ყვითელი. ეს ფერი მრავალ კულტურაში მზის, შექმნის ფერია და დადებით ენერგეტიკულ საწყისს უკავშირდება. ეზოთერიკოსები მიიჩნევენ, რომ ყვითელი ბედნიერებას იზიდავს.
რას გვპირდება ღორის წელი – დადებითი ფაქტორები
ჩინური ჰოროსკოპით, ღორის წელს სტაბილური და პოზიტიური ტენდენციების დრო დადგება ცხოვრების ბევრ სფეროში. ღორი ნაყოფიერი ცხოველია, ასე რომ, კარგი წელი იქნება მათთვის, ვისაც შვილის ყოლა აქვს გადაწყვეტილი.
2019 წელს დაქორწინებულებს დიდი შანსი აქვთ, რომ მტკიცე ოჯახი შექმნან, ხოლო ოჯახები, სადაც ჰარმონია არ სუფევს, თუ პარტნიორები ერთმანეთს შანსს მისცემენ, შეძლებენ ურთიერთგაგებას.
2019 წელს შესაძლებელია ჯანმრთელობისა და ფიზიკური სილამაზის გაუმჯობესება, ამასთან რეკომენდებულია არა მძიმე დატვირთვები, არამედ მცირე, მაგრამ – რეგულარული.
ღორი კონფლიქტური არ არის, ამიტომ ეს წელი კარგი იქნება საქმიანი კონტაქტების გამტკიცებისთვის, ასევე ნაცნობების წრის გაფართოებისთვის. თუმცა, ექსპერტ-ასტროლოგების თქმით, არც ის ღირს, რომ კონფლიქტში ჩართვის არქონის სურვილის გამო საკუთარი აზრი არ დაიცვათ. მთავარია, არ მოექცეთ მანიპულატორების გავლენის ქვეშ და შეინარჩუნოთ საკუთარი თავის პატივისცემა, წინააღმდეგ შემთხვევაში, შინაგანი საყრდენის გარეშე მომავლის აშენება გაჭირდება.
სიყვარულში გაუმართლებთ საიმედო, სანდო ადამიანებს. მაგრამ ნუ მისცემთ გარშემომყოფებს თქვენი საუკეთესო თვისებებით ექსპლუატაციის უფლებას. აუცილებელია ბალანსის დაცვა საკუთარ ნებასა და შესაძლებლობებსა და სხვის მოთხოვნებს შორის.
რას გვპირდება ღორის წელი – უარყოფითი ფაქტორები
უნდა აღინიშნოს უარყოფითი მომენტებიც, რაც, შესაძლოა, ახალ წელს გაჩნდეს. მაგალითად, ღორი საკმაოდ მიწიერი ცხოველია, რაც ზედმეტად მეოცნებეებს წაადგებათ, მაგრამ, შესაძლოა, მერკანტილობა და სიძუნწე გააღვიძოს მათში, ვინც ისედაც მყარად დგას მიწაზე. შესაძლებელია კონფლიქტები ფინანსურ ნიადაგზე, ან უპერსპექტივო პროექტში ფულის ჩადებით გამდიდრების მცდელობა.
ფულის უსაზღვრო სიყვარულს ასევე შეუძლია ავნოს ადამიანებს. ეკონომია მხოლოდ მაშინ იქნება გამოსადეგი, თუ უსარგებლო ნივთების ყიდვაზე იტყვით უარს, მაგრამ თუ ეკონომიის სურვილი სიხარბეში გადავა, მაშინ რთული წელი გელოდებათ.
ღორი ეშმაკი ცხოველია, მაგრამ მისი მოტყუებაც შეიძლება. ასტროლოგები გირჩევენ, 2019 წელს ნაკლები ისაუბროთ საკუთარი ან სხვების გეგმების შესახებ, უფრთხილდით, რომ რაიმე ზედმეტი არ წამოგცდეთ.
დედამიწის სტიქია კეთილდღეობის სიმბოლოა, მაგრამ, ამავე დროს, მერყევიცაა, ამიტომ ეს წელი ადამიანებს ჰპირდება როგორც აღმაფრენებს, ისე ვარდნებს. რაც შეეხება ფერს, მიუხედავად იმისა, რომ ყვითელი ბედნიერებისა და დადებითი ემოციების ფრად მიიჩნევა, მისი ძლიერი ენერგეტიკის ზემოქმედება, შესაძლოა, უარყოფითად აისახოს ჯანმრთელობაზე. ეს განსაკუთრებით მათ ეხება, ვინც ხშირად ნერვიულობს ან ქრონიკული დაავადება აქვს.
ღორის წელიწადში იმოქმედეთ არსობრივად და აუჩქარებლად, როგორც ეს დედამიწის სტიქიას შეეფერება, მაგრამ ნუ იქნებით ზედმეტად ინერტულიც და ნუ გაჰყვებით დინებას პასიურად – ამას შეიძლება მოჰყვეს უძრაობის პერიოდი და შინაგანი კრიზისის პროვოცირება.