ვაშლს ბევრად უფრო დიდი სარგებლობის მოტანა შეუძლია, ვიდრე სხვა პროდუქტებს. მას, სულ ცოტა, ათი საუკეთესო თვისება გააჩნია.
პირველი- მასზე უფრო კალორიულ საუზმეს ვერ შეარჩევთ. მაგალითად 100 გრ. ვაშლი შეიცავს 40 კალორიას.
მეორე- ვაშლი აწვდის ორგანიზმს დაახლოებით ვიტამინებისა და მინერალური მარილების 20 პროცენტს, განსაკუთრებით დიდი რაოდენობით- კალიუმს, თითქმის 130 გრ. კალიუმი აჩქარებს გულის ცემას და შველის სპაზმებს. ასეთ დროს, არ აქვს მნიშვნელობა ადამიანი წამლის სახით მიიღებს კალიუმს, თუ რამოდენიმე ვაშლს მიირთმევს, შედეგი იგივეა. გული მშვიდდება, კუჭიც კმაყოფილდება და გულის ზედმეტი დატვირთვა არ ხდება საკვებით.
მესამე- ვაშლი ხსნის დაღლილობას, მოთენთილობას, აფხიზლებს და ახალისებს ადამიანს. ამას ამტკიცებენ პროფესიონალი მძღოლები, რომლებიც საათობით სხედან საჭესთან.
მეოთხე- ვაშლი ასეთივე ნაცადი საშუალებაა შაკიკის საწინააღმდეგოდ. ვისაც ეს დაავადება აწუხებს, ყოველ საათში თითო ვაშლი უნდა მიირთვას.
მეხუთე- ვაშლი ამცირებს ქოლესტერინის შემცველობას სისხლში. ვისაც ეს აწუხებს, სულ ცოტა ოთხ ვაშლს უნდა ჭამდეს დღეში. დამატებითი ეფექტი- კრიალა კბილები.
მეექვსე- ვაშლი ხელს უწყობს საჭმლის მონელებას. მისი წყალობით თავიდან ვიცილებთ კუჭის შეკრულობას. ამიტომაც ვაშლს ზოგიერთები უწოდებენ ცოცხს, რომელიც ორგანიზმს ასუფთავებს.
მეშვიდე- ვაშლი აუცილებლად უნდა მიიღოს იმან, ვისაც გახდომა გადაუწყვეტია. თვეში ორჯერ მაინც საჭიროა ვაშლის დიეტის დაცვა. მთელი დღის განმავლობაში მხოლოდ ვაშლით უნდა იკვებოთ. ეს პროცედურა არამარტო წმენდს ორგანიზმს მავნე სუბსტანციებისგან, არამედ ალამაზებს კიდეც ადამიანს.
მერვე- არაჩვეულებრივია გულის ჯანმრთელობისათვის. ვაშლი შეიცავს უამრავ ანტიოქსიდანტს, რომლებიც ებრძვიან გულის დაავადებებს.
მეცხრე- ასთმის პრევენციის დროს. შეიცავს ფლავანოიდებს, მკვებავ ნივთიერებებს. ისინი ამცირებენ ასთმის შანსს.
მეათე- აუმჯობესებს იმუნურ სისტემას და ამცირებს კიბოს რისკს.