ჭარბი წონა თანამედროვე ადამიანისათვის – ეს დაავადების წარმოქმნის ბაზაა, რისკის ნომერ 1 ფაქტორი.
დიეტოლოგები ხშირად ამბობენ: ადამიანი არის ის, რასაც ჭამს. ამ ხუმრობაში ჭეშმარიტების დიდი წილია. ადამიანის ჯანმრთელობა ბევრ რამეში განპირობებულია კვებით. რას ჭამს? რამდენს, როდის და როგორ?
შეცდომა პირველი: ვჭამთ ძალზე ბევრს. ვიღებთ ძალიან ბევრ კალორიას, განსაკუთრებით საღამოობით, გამოსასვლელ დღეებში და დღესასწაულებებზე, კვება არ შეესაბამება ორგანიზმის მოთხოვნილებებს, ჩვენ ვჭამთ მეტს, ვიდრე ეს საჭიროა ენერგიის დასახარჯად. ფიზიკურად მინიმალურ ძალებს ვხარჯავთ, ხოლო ვიკვებებით ისე, როგორც აუცილებელია მხოლოდ მძიმე ფიზიკური შრომის დროს.
შეცდომა მეორე: ვჭამთ ძალზე მსუყე საჭმელს.საშუალოდ ვიღებთ 132 გრამ ცხიმს, ნაცვლად 80 გრამისა. ეს სერიოზული საფრთხეა ჩვენი ჯანმრთელობისთვის.
შეცდომა მესამე: საკვებს არასწორად ვირჩევთ. ჩვენი საკვები არასრულფასოვანია, იმიტომ, რომ ვიღებთ არასაკმარისი რაოდენობის ვიტამინებს, ახალ ბოსტნეულს, ხილს, უჯრედისს, ცილას, რძეს, თევზს. სამაგიეროდ ჩვენს მენიუში ძალზე ბევრია თეთრი პური, ნამცხვრები, და სხვა ცომეული ნაწარმი. ჩვენ ვჭამთ ცოტა რაოდენობის ნატურალურ პროდუქტებს და ბევრ კონსერვს, ახალგაყინულ პროდუქტს და ნახევარფაბრიკატებისგან დამზადებულ ნაწარმს.
შეცდომა მეოთხე: ვსვამთ ძალიან ბევრს. ვხმარობთ ბევრ ალკოჰოლს და ტკბილ სასმელებს. ყოველი მოზრდილი ადამიანი ყოველდღიურად „სვამს“ 330 კალორიას.
შეცდომა მეხუთე: არასწორად ვიკვებებით. ვიკვებებით არარეგულარულად, ძალზე სწრაფად, უკონტროლოდ, 5 ჯერის ნაცვლად ვჭამთ 3 ჯერადად, ამასთან დიდი ულუფებით.
შეცდომა მეექვსე: ბევრ ტკბილს ვიღებთ. ტკბილეულისა და შაქრის წილი ჩვენს საკვებში ძალზე მაღალია. მაგალითად, საღამოს სატელევიზიო გადაცემები ტკბილეულის მოყვარულთათვის შესანიშნავი მიზეზია, რათა ყელი ჩაიტკბარუნონ. ეს ძალზე სახიფათოა, რადგან უმრავლეს ოჯახში ტკბილეული ჭარბად მოიპოვება, ხოლო თავის შეკავება ტკბილეულის მოყვარულთ არ სურთ.
შეცდომა მეშვიდე: ცუდად ვამზადებთ საკვებს, ბოროტად ვიყენებთ სუფრის მარილს, ვწვავთ და ვხარშავთ მაშინაც კი როცა შეიძლება ამას გვერდი ავუაროთ.
შეცდომების მიზეზი ის არის, რომ ძალზე ცოტა ვიცით სწორი კვების შესახებ. მნიშვნელოვანია ყურადღება მივაქციოთ საკვების კალორიულობას, მასში ცილების, ნახშირწყლების, ვიტამინების და მიკროელემენტების შემადგენლობას, საკვების მომზადების ყველაზე უფრო სწორ მეთოდებს და ა. შ. და რაც მთავარია ვიკვებოთ ჩვენი ასაკისა შესაბამისად.