როგორ გავაკეთოთ ბრინჯის სკრაბი სახისთვის
ძვირადღირებული კოსმეტიკა რომ ვცადე, უკვე იმედგაცრუებული ვიყავი და სასოწარკვეთილმა შესაფერისის ძებნა დავიწყე. მწარმოებლებს აშკარად უფრო აწუხებთ ლამაზი ეტიკეტები, ვიდრე პროდუქტის ხარისხი. იმედი მხოლოდ ბრინჯის სკრაბმა დამიბრუნა, რომლის რეცეპტი გულით გამიზიარა სრულყოფილი კანის მქონე მეზობელმა.
ირკვევა, რომ ამ პროდუქტს კოსმეტოლოგიაში აღმოსავლეთის ქვეყნები აქტიურად იყენებენ. თქვენ ალბათ შენიშნეთ, რომ იაპონელ და ჩინელ ქალებს კანის საოცრად თანაბარი და ღია ტონალობა აქვთ. იგივე ეფექტის მიღწევა შესაძლებელია ბრინჯის ფქვილის სკრაბით. გაგიზიარებთ ჩემს აღმოჩენას!
ბრინჯის სახის სკრაბი
ინგრედიენტები
1 ს.კ. ბრინჯი
მწვანე ჩაი საჭიროებისამებრ
1 ს.კ. ხაჭო
მომზადება
ბრინჯი დაფქვით ყავის საფქვავის საშუალებით.
ბრინჯის ფქვილს დაუმატეთ ხაჭო და აურიეთ.
განაზავეთ სქელი სკრაბი მწვანე ჩაით ოპტიმალურ კონსისტენციამდე.
გამოიყენეთ ბრინჯის სახის სკრაბი კვირაში 1-2-ჯერ და შედეგს იგრძნობთ. კანი გახდება სუფთა და გლუვი, ფერი გათანაბრდება, წვრილი ნაოჭები გაუფერულდება, ღრმა ნაოჭები ნაკლებად შესამჩნევი გახდება. გარდა ამისა, ბრინჯი ატენიანებს კანს სითხის შეკავების უნარის გამო. აბა, სასწაული არ არის?