ერთი მხრივ, დიეტები დამღლელად და ხანგრძლივ პროცესად აღიქმება, მაგრამ მეორე მხრივ, მარტივი მათემატიკური ამოცანაა: ნაკლებს მიირთმევ – შესაბამისად, ნაკლებს იწონი. სამწუხაროდ, ბევრ ჩვენგანს არ შესწევს შაოლინელი ბერების მსგავსი მოთმინების უნარი, ამისათვის კი არაერთი გასახდომი საშუალებაა, რომელიც გახდომის გარდა, დაგეხმარებათ თავი მსუბუქად იგრძნოთ.
შემოგთავაზებთ ნახშირწყლების გარეშე დიეტას, რომელიც ფიტნეს-მწვრთნელმა ხორხე კრუზმა შეიმუშავა, მას დამაინტრიგებელი სახელი აქვს “100”.
დიეტა ნახშირწყლების გარეშე
ნებისმიერ მსურველს შეუძლია გამოითვალოს მისი იდეალური ფიგურა კალკულატორით.
ბევრი მწვრთნელი ამტკიცებს, რომ შაქარი ახდენს პროვოცირებას მუცლის არეში ცხიმის დაგროვების და არა პროტეინები, ბოჭკო და ცხიმები.
მთელი ეშმაკობა კი იმაში მდგომარეობს, რომ დღეში არაუმეტეს ასი „შაქრის კალორიის“ შემცველი პროდუქტების მიღებაა საჭირო.
ხორხე კრუზმა გამოიყვანა გახდომის ფორმულა: პროდუქტში ,,შაქრის კალორიის” რაოდენობის გასაგებად, ნახშირწყლების რაოდენობა 4-ზე უნდა გაამრავლოთ.
მაგალითად, საშუალოდ ბანანი დაახლოებით 25 გრამი ნახშირწყლებია. არის თუ არა ბევრი? შევადაროთ ქერის ფანტელს: შეიცავს 10 გრ ნახშირწყლებს 100 გრ ფანტელი, ეს გაამრავლეთ 4-ზე, თვითონ გადაწყვიტეთ რას მიირთმევთ: დღეში ერთი ბანანი ან 300 გრ ქერის ფაფა .
არ შეგეშინდეთ: მიუხედავად იმისა, რომ შაქარი არის ჩვეულებრივი კერძების უმრავლესობაში, ის არ არის ისეთი საკვებში, როგორიც არის სალა. აქ არის მოყვანილი მოსახერხებელი სია!
პროდუქტები, რომლებიც ნახშირწყლებს არ შეიცავენ
ნახშირწყლებს ყველა პროდუქტი შეიცავს განსხვავებული რაოდენობით, პირობითად ვამბობთ “უნახშირწყლო” პროდუქტებს, ამაში იგულისხმება ნაკლებად საზიანო პროდუქტები. შემოგთავაზებთ ჩამონათვალს, რომელიც თამამად შეგიძლიათ მიირთვათ ისე, რომ თქვენს წონაზე ნაკლებად აისახოს.
კვერცხი (იმისათვის რომ „შაქრის კალორაჟის” დაშვებული ნორმა მიიღოთ, დღის განმავლობაში უნდა მიირთვათ 25 კვერცხი. ეს არარეალურია)
ყვავილოვანი კომბოსტო
სოკო
ნიახური
ყაბაყი (რომ მიირთვათ 4 ცალი ყაბაყი, 100 შაქრის კალორიის ნახევარს მიიღებთ მხოლოდ.
ახლა ყველაზე გემრიელი და ჯანსაღი საკვები, რომლებიც თქვენ შეგიძლიათ ამ ტიპის ნახშირწყლებისგან თავისუფალი დიეტის დროს მიირთვათ.
ქათმის ფეხი( არ შეიცავს ნახშირწყალს)
ლოქო( 0 გ ნახშირწყალი 100 გრამზე)
ორაგული
ინდაურის ფარში
ღორის მჭლე ხორცი
კარაქი
სალა
ხაჭო( 7 გ 100 გრამზე)
ის, რაც გვეჩვენება საკმაოდ კალორიულად და გვგონია, რომ ცუდად აისახება ჩვენს წონაზე, როგორც აღმოჩნდა, მცდარი შეხედულებაა, როგორც ხორხე კრუზი ამბობს, უნდა მიირთვათ ყველაფერი, კალორაჟების დათვლით. საშუალოდ დღეში უნდა მიირთვათ 1500-1700 კალორიის პროდუქტი, თვის ბოლოს კი ადვილად შენიშნავთ, თუ როგორ დაემშვიდობეთ ყოველგვარი შიმშილის გარეშე ზედმეტ კილოგრამებს.
ერთი დღის მენიუ ხორხე კრუზის დიეტის მიხედვით
საუზმე – 200 გ მარილიანი ხაჭო 1 მუჭა ნიგოზთან და ნახევარ ავოკადოსთან.
წახემსება – ნიახური შეუზღუდავად ან ბულგარული წიწაკა.
სადილი – შემწვარი ან გამომცხვარი ქათმის ფეხი ყაბაყთან ან ისპანახისა და ყვავილოვანი კომბოსტოს სალათთან.
წახემსება – 30 გ მშრალი ხორცი პომიდორ ჩერისთან.
ვახშამი – ინდაურის ხორცის კატლეტი ბროკოლთან ან კვერცხის და ყველის ომლეტი.
წახემსება – იოგურტი ან ჭიქა კეფირი.
ბურღული არასასურველია ამ რაციონში, მაგალითად, ბრინჯი. წონაში ვიმატებთ არა ცილებისა და ცხიმებისგან, არამედ სწორედ ნახშირწყლებისგან და, პირველ რიგში, შაქრისგან. დიეტის დაცვის დროს უმთავრესია იცოდეთ კალორიების რაოდენობა. დათვალეთ, რას მიირთმევთ და რა რაოდენობით. შესაბამისად, შაქრის შემცველ პროდუქტებზეც უარის თქმა აღარ მოგიწევთ.