არსებობენ წესრიგის მოყვარული ადამიანები და ისინი, ვის გარშემოც მუდმივი არეულობაა, რა თქმა უნდა ეს უკანასკნელნი თავს იმართლებენ იმით, რომ მიეკუთვნებიან შემოქმედებით ადამიანებს, მაგრამ უნდა ითქვას, რომ ისინი არიან ძალიან ზარმაცები და ამიტომ ცხოვრობენ მუდმივ შემოქმედებით ქაოსში.
შეიძლება ეს ადამიანები მართლებიც არიან, ასტროლოგებიც კი მათ ეთანხმებიან, ზოდიაქოს ნიშანი გავლენას ახდენს ადამიანების თვისებებსა და ხასიათზე, აღზრდაზე მეტად მოქმედებს მათზე ვარსკვლავების გავლენა.
1. მორიელთან სტუმრობისას აღფრთოვანებული დარჩებით, მისი სახლი მუდმივად ბრწყინავს და ანათებს, მაგრამ როგორც კი სტუმრებს გაისტუმრებს, მორიელი მოეშვება და საქმეს მეორე დღისთვის გადადებს.
ეს ეგოისტი ნიშანი თუ თვლის, რომ დაიღალა, ჭურჭლის გარეცხვას მეორე დღისთვის გადადებს და მისი აზრით ეს საუკეთესო გამოსავალია.
მისი ნივთების ადგილი სკამზეა, კარადაში წესრიგი აქვს, რადგან იქ თითქმის არაფერია.
2. მშვილდოსანი ენერგიული და აქტიური ნიშანია, მაგრამ არაორგანიზებული. საქმის პარალელურად ის უსმენს მუსიკას, უყურებს გადაცემას ტელევიზორში ან საუბრობს. აქედან გამომდინარე დასუფთავების შედეგი არადამაკმაყოფილებელია. მშვილდოსანს ენანება დალაგებაზე დროის ხარჯვა, ურჩევნია მოგზაურობაში გაატაროს ცხოვრება, ვიდრე საოჯახო საქმეებზე.
3. ლომი შემოქმედებითი და იმპულსური ნიშანია. მისი დღეები დაუგეგმავია, მაგრამ სპონტანური. ცხოვრების სწრაფი რიტმის გამო შეუმჩნეველი რჩებათ განუკითხაობა, რომელიც ხშირად ეღობებათ წინ. ხშირად მასთან დაახლოება ადამიანებს იმისთვისაც სჭირდებათ, რომ ღრმად ჩასწვდნენ მის შინაგან ბუნებას.
ლომი ძალიან ამაყია, ყოველთვის ცდილობს მისი მშვენიერება არაფერმა დაჩრდილოს, თუნდაც ტანსაცმელზე პატარა მტვრის ნაწილაკებმაც კი.
4. სასწორი– ორმაგი ნიშანი. ერთის მხრივ მას მოსწონს წესრიგი, მეორე მხრივ ვერ იტანს დალაგებას. სასწორმა რომ კომფორტში იგრძნოს თავი, სხვას ავალებს დასუფთავების პროცესს და ეს მას დიდ სიამოვნებას ანიჭებს.
5. თხის რქა ასუფთავებს და ალაგებს იმას, რაც ირგვლივ ჩანს. მის ოთახში თუ შეიხედავთ ყველაფერს თავის ადგილას ნახავთ და სუფთას. მაგრამ თუ კარადაში ან მაგიდის უჯრაში შეიხედავთ, სრულ არეულობას დაინახავთ. ეს შეიძლება ტანსაცმელზეც ითქვას, თხის რქა გამოიყურება საკმაოდ სუფთად, მაგრამ ჯიბეებში და ჩანთაში შეიძლება ჰქონდეს სრული ქაოსი.
ეს ზოდიაქოს ნიშნები შეიძლება დაუდევრები არიან, არ უყვართ წესრიგი, მაგრამ იმდენი საუკეთესო ღირებულებები გააჩნიათ, რომ ამ ნაკლს ადვილად აპატიებთ. თუ პატიებას ვერ შესძლებთ, გვაქვს თქვენთვის სასიამოვნო ამბავი: ყველაზე დაუდევარი ზოდიაქოს ნიშანიც კი შეგიძლიათ გამოასწოროთ. პლანეტების გავლენა ადამიანებზე ძალიან დიდია, მაგრამ ადამიანების გავლენა ადამიანზე უფრო ეფექტური შეიძლება იყოს. ურჩიეთ თქვენს მეგობარს და თუ მისთვის ძვირფასი ხართ, თქვენს რჩევას გაითვალისწინებს, მიუხედავად ვარსკვლავების და ზოდიაქოს გავლენისა.
რაც შეეხება ყველაზე წესრიგის მოყვარე ნიშანს, პირველ ადგილზეა მერწყული. შეიძლება ითქვას, რომ ის ერთადერთია, ვინც ყოველთვის აკურატულად და მოწესრიგებულად გამოიყურება. მასზე უკეთესი ორგანიზატორი არ მოიძებნება ზოდიაქოს ნიშნებს შორის.