E ვიტამინი სახისა და თმისათვის
ვიტამინი E ანუ ტოკოფეროლი არის ძლიერი ცხიმში ხსნადი ანტიოქსიდანტი. ხშირად უწოდებენ მას ახალგაზრდობის, ჯანმრთელობის, სილამაზის და გამრავლების ვიტამს. ტოკოფეროლი აძლიერებს იმუნურ სისტემას, იცავს გულს, გვიცავს უშვილობისგან, ნაადრევი დაბერების და კიბოს ზოგიერთ სახეობისგან.
თუ გსურთ გქონდეთ ლამაზი და ჯანმრთელი კანი და თმა, ეს ვიტამინი მიიღეთ ყოველ დღე. ის დიდი რაოდენობით შედის ზეითუნის და ქოქოსის ზეთში, ასევე შეიცავს ავოკადო, მზესუმზირა, ისპაანახი, კაკალი და მარცვლეულის ჩანასახი.
ტოკოფეროლის ზრდასრული ორგანიზმის დღიური მოთხოვნაა სხეულის წონის 0.3 მგ / კგ და ბავშვის სხეულის წონაზე 0.5 მგ / კგ.
გაგაცნობთ E ვიტამინის სასარგებლო თვისებებს და რამოდენიმე რეცეპტს ამ ვიტამინის შემადგენლობით.
E ვიტამინის 5 სასარგებლო თვისება
ასტიმულირებს თმის ზრდას
ანტიოქსიდანტური თვისებების გამო, ტოკოფეროლი ღრმად აღწევს დაზიანებულ თმის ფოლიკულებში და აღადგენს მას, ასევე ატენიანებს თმას და ხელს უშლის ნაადრევ გაჭაღარავებას.
მოამზადეთ თმის გასაზრდელი ნიღაბი: თითო-თითო სუფრის კოვზი თბილი ზეითუნის და ქოქოსის ზეთი შეურიეთ 2 კაფსულა ვიტამინს. თითების წრიული მოძრაობით შეიზილეთ თმის ძირებში. 30 წუთის შემდეგ ჩამოიბანნეთ შამპუნით. გაიმეორეთ კვირაში 2-3-ჯერ.
ავსებს შრამებს და ნაწიბურებს
ვიტამინი E შესანიშნავად ატენიანებს კანს და აჩქარებს ნაწიბურების გაქრობას. წაისვით კაფსულისგან გამოწურული ზეთი დაზიანებულ კანზე. 5-10 წუთით ნაზად შეიზილეთ. 30 წუთის შემდეგ, დაიბანეთ ეს ადგილი თბილი წყლით. გაიმეორეთ პროცედურა დღეში ორჯერ განკურნებამდე.
ჭიმავს ნაოჭებს
ტოკოფეროლი შეიძლება გამოყენებულ იქნას ნაოჭების, ასაკის პიგმენტაციისა და დაბერების სხვა ნიშნების წინააღმდეგ. ვიტამინი E იცავს კანს UV სხივების და თავისუფალი რადიკალების მავნე ზემოქმედებისგან. იგი ასევე ზრდის კოლაგენის წარმოქმნას, რაც ქმნის კანის სიმკვრივეს და ელასტიურობას.
კააფსულა წაისვით ძილის წინ პრობლემურ ზონებში და გაიჩერეთ მთელი ღამით. დდილით დაიბანეთ თბილი წყლით. ვიტამინთან ერთად შეგიძლიათ თბილი ზეითუნის ზეთიც გამოიყენოთ.
კურნავს კანის ჰიპერპიგმენტაციას
ვიტამინი E- ს შეუძლია მუქი ლაქები თითქმის ნებისმიერ ნაწილზე გააუფერულოს. შეურიეთ 1-2 ტოკოფეროლის კაფსულა 1 ჩაის კოვზ აბუსალათინის ზეთს. წაისვით ნარევი დაზიანებულ კანზე ძილის წინ და დაიბანეთ დილით. გამოიყენეთ ეს ყოველდღიურად ერთი თვის განმავლობაში.
შეგიძლიათ დღეში ორჯერ გაიკეთოთ 10-15 წუთიანი ზეთის მასაჟი.
არბილებს ხელის კანს
ვიტამინი E არის შესანიშნავი ალტერნატივა ხელის კრემის. ეს ხდის კანს რბილს, ელასტიურს და ატენიანებს, არ იწვევს გაღიზიანებას.
ვიტამინი შეურიეთ ტანის ლოსიონს ან ხელის კრემს და შეიზილეთ კანზე.
თბილი წყლის აბაზანაზე დადგით ჭურჭელი და შეურიეთ 2 კაფსულა ვიტამინი, 1 ლიმონის წვენი და ცოტაოდენი თაფლი. 10-15 წუთი შეიზილეთ ხელის კანზე, შემდეგ შეიმშრალეთ ხელსაწმენდით.
კიდევ შეგიძლიათ ძილის წინ გაიკეთოთ 10-15 წუთიანი თბილი ზეითუნის ზეთის მასაჟი, გაიკეთეთ რეგულარულად და შედეგი არ დააყოვნებს.
გამოიყენეთ ეს მარტივი რჩევები და დატკბით თქვენი კანის სილამაზით.