ბევრ ჩვენგანს გაგვჩენია სურვილი სატრენაჟორო დარბაზში სიარულის, მაგრამ ორი კვირის ან ერთი თვის შემდეგ თავი დაგვინებებია ვარჯიშისთვის. ამის მიზეზი შეიძლება იყოს სიზარმაცე, დაღლა ან დროში შეზღუდვა. ეს ყველაფერი საკმაოდ ბუნებრივია, მაგრამ საერთოდ ვარჯიშზე უარის თქმა არ შეიძლება. რა უნდა გავაკეთოთ ასეთ დროს? პასუხი მარტივია – გადით ქუჩაში და გაისეირნეთ.
ალბათ გსმენიათ, რა სასარგებლოა ფეხით სიარული ჯანმრთელობისათვის. ყოველდღიური ფეხით სიარული აუმჯობესებს გულის მუშაობას, ხელს უწყობს სხეულის ფორმის შენარჩუნებას და კუნთების ტონუსს.
სადავოა, ფეხით სიარულმა შეცვალოს თქვენი სხეული, მაგრამ უფრო მნიშვნელოვანია ის, რომ მას შეუძლია შეცვალოს თქვენი ცხოვრება.
ფეხით სეირნობა აუმჯობესებს განწყობას. აღმოჩნდა, რომ ადამიანები, რომლებიც მინიმუმ 15-20 წუთი ფეხით სეირნობენ დღეში, კვირაში სულ მცირე 5-ჯერ, ხშირად კარგი განწყობა აქვთ. ისინი ნაკლებად განიცდიან დეპრესიას.
ყოველდღიური გასეირნება დაგეხმარებათ შემოქმედებით საქმიანობაში. ვინ იცის, იქნებ მომავალი გასეირნება დაგეხმაროთ თქვენი შედევრის შექმნისთვის?
ფეხით სეირნობა ტვინის სტიმულაციის ხელშემწყობია. როგორც ჩანს, ეს მხოლოდ ზედმეტი ფიზიკური დატვირთვაა, მაგრამ, როგორც აღმოჩნდა, მას შეუძლია ხელი შეუწყოს არა მხოლოდ კუნთების მუშაობას, არამედ ტვინის აქტივობას. ფეხით სეირნობა ძალიან სასარგებლოა ჩვენი ტვინისთვის, რადგან ის ხელს უწყობს კომპლექსური პრობლემების გადაჭრას და ასევე ხელს უშლის თავის ტვინის დაბერებას.
აღმოჩნდა, რომ მუდმივი ფეხით სიარული უმჯობესებს მეხსიერებას. ექსპერტები ამბობენ, რომ ფეხით სიარული ზრდის ტვინის სისხლის მიმოქცევას. ეს ხელს უწყობს გონებრივი შესაძლებლობებისა და მეხსიერების გაუმჯობესებას.
ფეხით სეირნობა ბუნებასთან გაკავშირებთ. ტყეში სეირნობისას ტკბებით ბუნების სიმშვენიერით, ეს ემოცია გამშვიდებთ და გაახალგაზრდავებთ.
ეს პრაქტიკა ხელს უწყობს ხალხს კეთილდღეობის გაუმჯობესებისა და დეპრესიის სიმპტომების შემცირებისკენ. არ არის აუცილებელი იყოს ტყე, სეირნობა შეიძლება სახლთან ახლოს მდებარე პარკში ან პატარა ბაღში. მთავარია, რომ გარეთ გახვიდეთ და მინიმუმ 15 წუთი ისეირნოთ და ისიამოვნოთ. იყავი ჰარმონიაში საკუთარ თავთან და ბუნებასთან.
გულის მუშაობის ნორმალიზაცია, კუნთების გაძლიერება, ასევე მეხსიერების გაუმჯობესება, კარგი განწყობა და არანაირი დეპრესია – ეს ყველაფერი შესაძლებელია მხოლოდ სუფთა ჰაერზე გასეირნებით. ეს ასევე კარგი ჯანმრთელობისა და დღეგრძელობის გარანტიაა.