ყველა თანამედროვე ქალი ცდილობს იზრუნოს საკუთარ გარეგნობაზე. იდეალური თმა, მაკიაჟი, მოხდენილი და ლამაზი სხეული ყველას ოცნებაა. ხშირად ვიყენებთ ძვირადღირებულ საშუალებებს, მაგრამ მაინც შეიძლება ხასიათი გაგვიფუჭოს ქუთუთოების შეშუპებამ და თვალის ქვეშ გამოჩენილმა ნაკლმა. არსებობს ნატურალური საშუალებები, რომლებიც გაცილებით უკეთეს შედეგს იძლევა, ვიდრე ძვირადღირებული კოსმეტიკა. რაც მთავარია, ნატურალურია, იაფი და ხელმისაწვდომი.
ასეთი არასასიამოვნო პრობლემის წარმოშობა შეიძლება გამოწვეული იყოს სხვადასხვა ფაქტორებით: ძილის ნაკლებობა, ძილის წინ დიდი რაოდენობით სითხის მოხმარება, ალერგია საკვებსა და სასმელებზე, ალკოჰოლი, რა თქმა უნდა, ასევე სიცხე. აღმოჩნდა, რომ ეს სიმპტომი შეიძლება განკურნებული იქნას მარტივი და ბუნებრივი საშუალებების გამოყენებით, რომელიც მოიძებნება თქვენს მაცივარში.
სასმელი შეშუპების საწინააღმდეგოდ
თქვენ დაგჭირდებათ
1 კონა ოხრახუში
1 სტაფილო
1 ფორთოხალი
0.25 ლიმონი
1 ს/კ. სელის თესლი
100-150 მლ სუფთა წყალი
მომზადება და გამოყენება
გამოწურეთ წვენი ფორთოხლისგან და ლიმონისგან და ჩაასხით ბლენდერში.
გარეცხეთ და დაჭერით წვრილად სტაფილო და ოხრახუში, დაასხით წყალი, ჩაყარეთ სელის თესლი და ყველაფერი დააბლენდერეთ.
მიღებული მასა გაწურეთ და ჩაასხით ჭიქაში.
ჩვენ გირჩევთ გამოიყენოთ ეს სასმელი მომზადებისთანავე. თუ თქვენ გადაწყვიტეთ შაქრის დამატება, გთხოვთ გაითვალისწინოთ, რომ ტკბილი ნივთიერებები ამცირებს პროდუქტის ეფექტურობას. სასმელი უნდა მიიღოთ დღეში ერთხელ.
თქვენ იხილავთ საუკეთესო შედეგს ერთი კვირის შემდეგ. ასეთი სასმელი უმკლავდება არა მხოლოდ შეშუპებას, არამედ ჭარბ წონასაც. ის ასევე იძლევა გრძელვადიან დანაყრების შეგრძნებას, მთელი დღის განმავლობაში ენერგიით გვავსებს და ჯანმრთელობის მდგომარეობას შესანიშნავად აუმჯობესებს.
მიიღეთ ეს სასმელი 2 კვირის განმავლობაში ყოველდღე. თუ პრობლემა არ აღმოიფხვრა, ერთკვირიანი შესვენების შემდეგ ისევ გაიმეორეთ.
ამ სასმელთან ერთად არ უნდა დავივიწყოთ ფიზიკური ვარჯიში და ზომიერი დიეტა. პრობლემის მიზეზის დასადგენად მიმართეთ სპეციალისტს.